Էյնշտեյնի խնդիրը

   Էյնշտեյնի խնդիրը տրամաբանական խնդիր է, որի հեղինակը ըստ տարածված և շատ հավանական է, որ սխալ կարծիքի Ալբերտ Էյնշտեյնն է: Ասում են, որ այս խնդիրը Ալբերտ Էյնշտեյնը ստեղծել է իր մանկության տարիներին և հետագայում օգտագործել է իրեն օգնական ընտրելու ժամանակ թեկնածուների տրամաբանական ունակությունները ստուգելու համար:  

  Ոմանք նույնիսկ ասում են, որ ըստ Ալբերտ Էյնշտեյնի՝ Երկրի բնակչության միայն 2%-ը ունեն համապատասխան մտավոր կարողություններ այս խնդիրը լուծելու համար, սակայն եթե դա անեն առանց թուղթ ու գրիչի՝ միայն օգտագործելով իրենց տրամաբանությունն ու մտովի պատկերացնելու կարողությունը: Այնուամենայնիվ, չկա որևէ ապացույց այն բանի, որ Էյնշտեյնը երբևէ նման բան է պնդել:

   Ամենաբարդ տարբերակն այն է, որ խնդիրը լուծվի առանց թղթի և ինֆորմացիայի որևէ կրիչի: Հակառակ դեպքում խնդրի լուծումը բավականին հեշտանում է և բոլորովին չի խոսում լուծողի արտասովոր ընդունակությունների մասին: Ասեմ, որ սա բավականին հետաքրքիր խնդիր է և եթե պարզեք, որ դուք չեք պատկանում վերը նշված 2%-ին, խորհուրդ կտամ այնուամենայնիվ փորձել այն լուծել թուղթ ու գրիչի օգնությամբ:

   Էյնշտեյնի խնդիրը տարածված է տարբեր տարբերակներով: Որոշներում տարբեր են մարդկանց ազգությունները, որոշներում՝ նրանց ծխած ծխախոտները, իսկ որոշ տարբերակներում՝ պահած կենդանիները: Ձեզ եմ ներկայացնում Էյնշտեյնի խնդիրը ամենատարածված տարբերակով:

Խ Ն Դ Ի Ր

   Միևնույն փողոցի վրա կողք-կողքի գտնվում են 5 տներ՝ յուրաքանչյուրը տարբեր գույնի: Նրանցից յուրաքանչյուրում ապրում է մեկական մարդ, և բոլորն էլ պատկանում են տարբեր ազգությունների: Նրանք ծխում են տարբեր տեսակի ծխախոտներ, խմում են տարբեր տեսակի խմիչքներ և պահում են տարբեր տեսակի կենդանիներ: Ընդ որում.

       

                                          1.Նորվեգացին ապրում է առաջին տանը: 

                                          2.Անգլիացին ապրում է կարմիր տանը:

           3.Կանաչ տունը գտնվում է սպիտակի ձախ կողմում:

           4.Դանիացին թեյ է խմում:

           5.Marlboro ծխողը ապրում է կատու պահողի կողքի տանը:
           6.Նա, ով ապրում է դեղին տանը, ծխում է Dunhill: 

           7.Գերմանացին ծխում է Rohtmans:

           8.Մեջտեղի տան ապրողը կաթ է խմում:

           9. Marlboro ծխողի հարևանը ջուր է խմում:

         10.Pall Mall ծխողը թռչուն է պահում: 

         11.Շվեդը շուն ունի:

         12.Նորվեգացին ապրում է կապույտ տան կողքը:
                                           13.Նա, ով ձի է պահում, ապրում է կապույտ տանը:

                                           14.Նա, ով ծխում է Winfield, գարեջուր է խմում:

                                           15.Կանաչ տանը բնակվողը սուրճ է խմում: 

 Հարց.

Ո՞վ է ձուկ պահում:

Տեսնել պատասխանը